軟殼蟹牛油果醬牛肉漢堡🍔
由於小弟好鐘意食軟殼蟹🦀 所以見到有軟殼蟹漢堡就直接簡好食咩🤣 漢堡包皮吾係好大舊 正常大細 但有好多材料😛 有軟殼蟹 牛肉 中間再夾雜左啲芝士 椰菜🥬 口感好豐富👍🏽 軟殼蟹整得幾脆口 味道幾好 係啲炒厚左啲🤫 牛肉幾淋身 而且多汁☺️ 漢堡包皮表面煎左一煎 但包身有啲煙韌 口感一般🫠
德州燒烤牛肉漢堡🍔
材料都係差吾多 有牛肉 煙肉🥓 生菜 芝士🧀 同埋好似洋蔥圈嘅食材 味道都吾錯 係好食嘅漢堡包黎☺️ 但就冇咩特別到要專登黎試下🫣 薯條脆口但炸得有啲乾 有少少黑椒粉係表面 幾好食嘅🍟
墨西哥芝士夾餅 (軟皮)🌮
簡左一份配燒烤手撕豚肉🐷 有牛油果醬🥑 蕃茄粒 沙律醬 柳菜🥬 味道酸酸辣辣幾好食😋 豚肉味道都吾錯👍🏽 另一份就配煎牛柳條🐮 材料相同 係配嘅肉轉左牛😛 牛柳味幾濃而且多汁 但稍為煙靭左啲🥹
最後埋單人均差吾多$200 依個質素黎講偏貴左少少🤏 有興趣嘅都可以試下☺️
