Video
Read full review
2023-11-29
19 views
。O小姐。蟲草花膠雞煲。日常。平日兩個人諗唔到食乜，今日難得有三個人，又見開始有啲凍，咁呢個時候最好就係去食雞煲！附近究竟有啲咩食呢？搵吓搵吓咦見到呢間又有烤魚又有雞煲，又好似評價唔錯，咁就去幫襯吓啦。！如果要嚟呢間舖頭，喺寶琳站出，跟住向右邊過馬路，跟住一路再向左邊行，見到路口再轉返入去就會搵到呢間舖，都唔係好遠嘅，其實大概6-7分鐘就會行到。由於前日先食完魚，我哋最後決定食個雞煲，但普通雞煲又好似成日食，見到佢有蟲草花膠雞😳好似好補咁，咁就會一會佢啦！我哋叫咗一隻雞，另外再嗌咗個半半嘅生蠔，一半係四川麻辣，一半係蒜蓉，另外唔少得嘅梗係要燒茄子！先講返個雞煲，佢蟲草花都多嘅，花膠都確實有食到，當然多幾塊會更加開心☺️先要讚一讚個味道，唔會話好鹹好需要成日飲水，之前食過唔少雞煲，普遍都偏鹹，但呢一個味道啱啱好，雞係非常之足夠，我哋三條友都食極極都食仲有😅食到好飽生蠔方面，無論係四川或者係蒜蓉，對於我嚟講都好辣🥺不過佢蒜蓉真係好夠，唔使錢咁，我鍾意，而且生蠔都飽滿嘅👍🏻另外就係最鍾意食嘅燒茄子，茄子上面全部都係蒜蓉！ My favour !!! 不過如果佢烤得再燶返多少少會好啲。食雞煲，點
平日兩個人諗唔到食乜，今日難得有三個人，又見開始有啲凍，咁呢個時候最好就係去食雞煲！附近究竟有啲咩食呢？搵吓搵吓咦見到呢間又有烤魚又有雞煲，又好似評價唔錯，咁就去幫襯吓啦。！
如果要嚟呢間舖頭，喺寶琳站出，跟住向右邊過馬路，跟住一路再向左邊行，見到路口再轉返入去就會搵到呢間舖，都唔係好遠嘅，其實大概6-7分鐘就會行到。
由於前日先食完魚，我哋最後決定食個雞煲，但普通雞煲又好似成日食，見到佢有蟲草花膠雞😳好似好補咁，咁就會一會佢啦！我哋叫咗一隻雞，另外再嗌咗個半半嘅生蠔，一半係四川麻辣，一半係蒜蓉，另外唔少得嘅梗係要燒茄子！
先講返個雞煲，佢蟲草花都多嘅，花膠都確實有食到，當然多幾塊會更加開心☺️先要讚一讚個味道，唔會話好鹹好需要成日飲水，之前食過唔少雞煲，普遍都偏鹹，但呢一個味道啱啱好，雞係非常之足夠，我哋三條友都食極極都食仲有😅食到好飽
蟲草花膠雞煲
2 views
0 likes
0 comments
蟲草花膠雞煲
1 views
0 likes
0 comments
生蠔方面，無論係四川或者係蒜蓉，對於我嚟講都好辣🥺不過佢蒜蓉真係好夠，唔使錢咁，我鍾意，而且生蠔都飽滿嘅👍🏻
川辣及蒜蓉生蠔
1 views
0 likes
0 comments
另外就係最鍾意食嘅燒茄子，茄子上面全部都係蒜蓉！ My favour !!! 不過如果佢烤得再燶返多少少會好啲。
燒茄子
1 views
0 likes
0 comments
食雞煲，點少得啤一啤佢，本身叫咗支藍妹，太細緻，冇睇到原來佢係細支裝，最後叫咗支青島🤣
埋單七百幾蚊，價錢同味道質素都成正比，唔錯，食完埋單出到去仲見到佢做緊特價一蚊一個餸！！下次要再嚟食過！！
Post
