蓮花齋 (Closed)

本人一向唔鍾意食肉，住咗東涌好多年，區內全部都係肉食店，除咗可以去羅漢寺食齋外，想食餐素都唔容易，難得聽到街坊講話村屋嗰邊有一間齋舖開咗，就即管中午去試吓，逸東邨行過去下嶺皮果條天橋一落就見到，鋪頭有室外又有室內嘅座位，中式格調優雅，佢有自助午餐，不過我就鐘意散叫，今次叫咗羅漢齋炒麵、芋頭魚、同南瓜翅，當中芋頭魚最掂，炸得好鬆化入邊芋泥又唔會好實，好食，其次南瓜翅都好味道又夠熱，羅漢齋炒麵就普通，因為我一向無相機先食習慣，所以冇影到相，下次再幫襯時補返。