Amico 1890

Open Now

Now Closed

book左6點半,去到只有幾檯客,安排坐係一張6人檯到,要隔住中間同人搭檯,而且張木櫈坐得十分唔舒服,但係都已經去到就無辦法啦..叫左個set dinner 安格斯牛排10oz $248, order 5成熟,但黎到係7成,點海鹽食,味道幾好,唔點的話略嫌有d唔夠味,配菜既薯條好粗,不過唔係好脆,有幾條仲有d凍。墨魚汁大蝦意大利飯 $118 ,呢個飯好好味,入面加左d菇同芝士,仲拉到絲,可惜份量太少。生日甜品係窩夫雪糕 $58, 賣相好靚,好適合影相呃like,雪糕好味,窩夫一般,唔熱唔脆益力多梳打 $38,味道ok,只係勁多冰,飲到一半d冰融左就無乜味整體黎講食物味道真係唔錯,只係份量有d少,一個女仔食一份set dinner 未必會飽,樓下環境一般,坐得唔舒服,半個鐘就食完走人,上次黎過一次坐樓上,有梳化,環境好好多,如果想坐得舒服咁慢慢食,傾下計,樓下可能唔太適合。