👍🏻每個套餐都包中/西湯、牛油餐包、飲品
🥄我哋鍾意飲西湯 通常係羅宋湯 都幾多材料 唔算好濃味 不過都過得去
🍞餐包微暖 甜甜地 仲有舊牛油搽
✨蒜蓉汁雞扒拼蜜糖腸跟薯菜 $56
🐓雞扒比較細塊 脆皮腸系比起廚師腸大條d
🥕雜菜系翠玉瓜同紅蘿蔔
🍟薯條份量都幾多 但都唔太脆 似系炸完放咗一排
✨咖喱牛肉意粉 $58
🥘咖喱唔辣 系港式咖喱😆都幾好送飯/意粉
牛腩偏瘦會比較韌🥩仲有兩舊牛筋 只有一舊細薯仔🥔
🍝意粉質地麻麻 太過淋煮得過耐👎🏻可能撈飯會好啲
✨焗芝士菠蘿豬扒飯 $56
係經典嘅好食😍下面飯底係蛋炒飯
🍅蕃茄同🍍菠蘿酸酸甜甜好開胃👍🏻d汁夠撈晒成個飯
不過豬扒太細塊 已經切開左都係得4塊左右👎🏻
雖然味道屬正常水平 不過不失 服務亦非常一般
但餐廳大部份都係卡位 坐得算舒服
而且每個餐又有湯又有飲品 一定夠飽 價錢算好抵食啦！
味道：🌕🌕🌕🌘🌑
環境：🌕🌕🌕🌗🌑
服務：🌕🌕🌕🌑🌑
價錢：🌕🌕🌕🌕🌗
回頭率：🌕🌕🌕🌕🌑
📍檳城餐廳 (柴灣)
柴灣環翠道11號興華廣場1樓109B號舖
