Video
Read full review
2018-10-30
41 views
長沙灣舊區高手林立，有很多有特色嘅地道小店。今日放工路過呢區，一於試下 Openrice 都幾多笑樣嘅 正·麻辣·茶·雲吞。餐廳位於住宅區，比較寧靜。推門內進，裝修都幾靚，仲有 Bar 檯可以同師傅交流。餐廳播放嘅音樂都幾 relax，座位之間一啲都唔迫，小店黎講用餐環境算係幾舒適。我地兩個人，叫咗一個麻辣撈雲吞 $34 加幼麵$7。雲吞係當日特製雲吞，係栗米豬肉。特製雲吞每一天款式都唔同，等啲客人保持新鮮感。雲吞好有咬口，而且幼麵份量好多，以加$7黎講絕對係超值良心價。麻辣醬汁係極之惹味，噴晒火，真係好刺激！同個撈麵真係好夾！記得撈勻啲！香煎芝心雲吞 $39 係即炸嘅。老闆娘提醒我地啲相機食先嘅一族，記得要趁熱食。但賣相咁靚，點可以唔影多兩張相呢？朋友叫咗一個麻醬青瓜雞絲冷麵 $38 加溏心蛋$9。雞絲一啲都唔似雞絲，因為份量多到好似啖啖肉雞扒咁！講笑啫。雞絲都切得很幼細，撈埋麻醬食，一流！凍飲跟餐有特價，朋友叫咗一個金橘檸檬蜜 $15 凍飲加$2。朋友表示味道十足，仲食到少少果肉添。期間，隔離檯黎咗一個年輕人，坐低，同老闆娘講咗兩隻字：「照舊。」感受到年輕人同老闆娘之間嘅人情味，係
餐廳位於住宅區，比較寧靜。推門內進，裝修都幾靚，仲有 Bar 檯可以同師傅交流。餐廳播放嘅音樂都幾 relax，座位之間一啲都唔迫，小店黎講用餐環境算係幾舒適。
我地兩個人，叫咗一個麻辣撈雲吞 $34 加幼麵$7。
雲吞係當日特製雲吞，係栗米豬肉。特製雲吞每一天款式都唔同，等啲客人保持新鮮感。
雲吞好有咬口，而且幼麵份量好多，以加$7黎講絕對係超值良心價。
麻辣醬汁係極之惹味，噴晒火，真係好刺激！同個撈麵真係好夾！記得撈勻啲！
香煎芝心雲吞 $39 係即炸嘅。老闆娘提醒我地啲相機食先嘅一族，記得要趁熱食。
但賣相咁靚，點可以唔影多兩張相呢？
朋友叫咗一個麻醬青瓜雞絲冷麵 $38 加溏心蛋$9。雞絲一啲都唔似雞絲，因為份量多到好似啖啖肉雞扒咁！講笑啫。
雞絲都切得很幼細，撈埋麻醬食，一流！
凍飲跟餐有特價，朋友叫咗一個金橘檸檬蜜 $15 凍飲加$2。朋友表示味道十足，仲食到少少果肉添。
期間，隔離檯黎咗一個年輕人，坐低，同老闆娘講咗兩隻字：「照舊。」感受到年輕人同老闆娘之間嘅人情味，係小店特有的，而且睇得出餐廳應該有好多熟客仔。
食飽飽之後，老闆娘埋黎執檯，仲好親切問我地，「今晚啲野好唔好食呀？岩胃口嗎？」呢種人情味唔係連鎖大餐廳可以俾到你嘅。
呢間小店絕對值得我回頭光顧。
Post
