戀上台式料理 (Closed)

將軍澳嘅新餐廳越開越多，今日同朋友經過將軍澳海邊，見到有一系列嘅新餐廳，間間都好吸引咁。朋友話好耐冇去台灣旅行，好想食下台灣嘢，一於就試吓呢間台式料理餐廳。一入門口就聞到好大陣嘅燒肉香味，見到有唔少客人都嗌咗台式烤肉，望到都流口水。兩個人食得唔多野我哋就決定叫一份烤牛胸腹同埋大腸干鍋，再叫左個星虹沙冰。牛腹肉配上店家特製嘅烤肉汁，食落非常香口而有肉味，醬汁甜甜地好開胃。大腸乾鍋好香脆， 唔好睇好似好多辣椒咁，但其實唔會好辣，大腸煙煙韌韌，好有口感。最吸睛嘅都係呢杯沙冰，七彩繽紛嘅顏色好夢幻好少女，飲落酸酸甜甜，每隻顏色都有啲唔同味咁，打卡一流。呢度嘅環境都相當舒服， 而且位處海邊， 搬露天嘅環境好開揚，真係有種去咗小旅行嘅感覺。