神石燒牛扒炸物專門店 (Closed)

好耐冇行過黎YOHO 2期，原來有好多食肆都轉左，原先台灣餐廳個位，轉左做神石燒。首先要係門口點左餐先，然後店員會安排座位同埋放部BB機係度，BB機一響，店員就會將食物拎過黎，唔洗自己去拎，我地叫左個日本A5佐賀和牛二人前，套餐包左日本A5佐賀黑毛和牛100g、美國極黑豚200g、美洲頂級厚切牛脷120g、美國安格斯牛隔肌200g、北海道珍寶帶子2件同埋日式炸蕃薯條，除左主菜之外，仲會無限量提供沙律，白飯，麵豉湯同埋醬汁!套餐裡面既肉都好好食，但必食既一定係和牛，和牛油脂分佈平均，牛肉味超香，肉質超軟熟，入口即溶；而美國牛隔肌都唔差，又嫩滑又有牛味；牛脷外脆內軟；黑豚肉質有彈性；而帶子都好新鮮。