茶木‧台式休閒餐廳 (荃新天地)

Open Now

Now Closed

紅蔥中卷湯新竹米粉米粉份量足、彈牙。魷魚令湯底有魷魚嘅鹹香味。面頭撒上很多莞茜、蔥同炸蒜，令清湯底好香。除左魷魚，重有好多黃芽白。黃芽白新鮮爽脆。跟餐送飲品。叫左紅豆薏米水。紅豆薏米水有薑，微辣嘅薑中和紅豆嘅甜，飲落好舒服。嗌多個寶島三小碟：秋葵、塘心蛋同埋甜酸咕嚕肉。秋葵上有蝦米，醬汁味道似白醋。甜酸咕嚕肉除左甜酸汁重有沙律汁，未食酸味已經「拱」上鼻！甜酸咕嚕肉係熱食，外皮脆。秋葵同甜酸咕嚕肉食起黎酸酸地好開胃。塘心蛋蛋黃呈半生熟狀態，蛋汁唔會流曬出黎，整得啱啱好。旁邊重有青瓜粒。