噴泉咖啡屋

Open Now

Now Closed

周日當然閒情，同食家去華懋買飛睇2012，仲有成個鐘先開場，就來最就近的噴泉咖啡屋食個tea先﹗毛毛細雨，坐在有傘子張開的露天位，落雨也不怕，唔知落雪怕不怕。上星期同友人在隔離的酒吧飲完，細看這間噴泉咖啡屋的餐牌，價錢同對面差不多一樣，happy hour都係買一送一，就要了兩杯hoegarrden﹗成4:00pm午餐都未食，食家點了火腿芝士水泡包，而我就要了隻大熱狗。水泡包Bagel我咁大個人都係第一次食，麵包外皮烤得硬脆，裡面的麵粉味濃郁，質地煙韌，紮實帶有嚼勁，配以芝士及蕃茄同吃，好食﹗熱狗包身鬆軟，熱狗腸香脆多汁，個汁醒胃香濃，也不錯﹗在店內係咁影下相，吹下水，睇下雜誌，不知不覺就夠鐘睇戲。2012超級好睇，不過下次睇戲前都係唔好飲啤酒，搞到成場走出走入幾次去廁所，錯過不了美妙鏡頭，這是敗筆。