名家韓國餐廳

Open Now

Now Closed

我上午11時15分左右打電話訂枱，我欣賞佢嘅接線生用英文，其實諗住都幾國際化。我好快成功預訂了同日一點正到店午飯。去到嘅時候大約 12:50，無人在reception，其實都無問題，最緊要有人睇到。可惜嘅係就算有人睇到都唔會行出嚟安排入座。等咗2－3分鐘，終於有個女仔出嚟，問我幾多位。我答佢2位，有訂枱。我唔知佢係咪聽唔到還是我太細聲。佢無理我，入咗餐廳入面周圍搵枱。過多大約一分鐘，佢出返嚟，同我講話暫時無位。咁我就問佢，我哋有訂枱嘅。佢回應我佢知道，然後佢話呢間餐廳嘅枱係先到先得。我同朋友O咗咀。佢好努力咁最後幫我搵到一張搭枱。算數，但求有飯食，一次半次忍咗佢，始終佢仍然係笑笑口咁同我溝通，雖然毫無抱歉態度。之後好似酒樓飲茶咁，每台一個大茶壺，自己斟茶。叫嘢食，我點咗烤牛肋骨配水冷麵，我朋友點人蔘雞。我嗰份唔使3分鐘上菜，鐵板上嘅牛係凍嘅。算喇，唔想再數落去。埋單時那位職員的態度，一字記之曰『輝』，重要轉普通話台，都唔知呢間嘢係國際化定內地化。講真呢間嘢話晒都 Isquare 27樓，除咗個景之外，真係一無是處。誠言，不去也罷。