一生懸麵

Open Now

Now Closed

店員好貼心，將餐紙比左我地望同簡先，簡好之後就差唔多可以入座。等位既時候，唔知係咪角落位無乜人清潔，感覺有野咬咁。點好餐，就交比店員，無幾耐就入座。坐係度，望住店員準備。無幾耐，收到張單。之後就可以開始食了。首先係個麵，麵質比較幼。之後係個湯，味道好濃，但係個感覺有d稀，感覺似拉麵湯底多過沾麵個汁。不算太掛湯，不過因為佢既麵幼，同埋汁既味都較濃，所以唔會覺得淡。雖然味道係好好食，但呢間既沾麵，比我既感覺係將麵同湯分開左既拉麵，無乜沾麵既感覺。另一款，櫻花蝦既，味道好香，食落都好濃。配料都好夠，不過拉麵好少會聯想到青檸，所以無落到青檸汁落去。合照。總結：佢個價錢好好、沾麵價黎講一d都唔貴，味道香濃，只不過真係似拉麵多過沾麵啦，所以對於想食沾麵既我黎講，有d失望 XD。