Video
Read full review
2024-08-19
816 views
牛大人真係成日都想去食，2小時任飲任食，食物水準又高。今次我地黎食極上和牛吃到飽($328/位)呢個價位，當然要食多幾款優質靚牛啦✨湯底我習慣叫紅燒牛骨鍋🥘 中意佢有牛骨香味但味道唔搶，咁先食到火鍋料嘅鮮味嘛😋作為貪心嘅兩位食肉獸，我地幾乎試匀最高價位嘅所有豬、牛、雞肉類🤤 包括花雕酒雞件、安格斯特選牛板腱、紐西蘭羊卷肉、澳洲和牛M5 牛肩卷、SRF美國黑牛後腿肉、手切封門柳、西班牙豬梅肉片、澳洲和牛牛胸爽，全部肉質上乘嫩口，啖啖肉超滿足！連兩粒牛丸都係取材澳州和牛，咬開油脂爆發，仲好彈牙👍🏻海產方面，百配鵝脆腸唔係間間有，係我必點。台灣鯛魚片同鮮甜海蝦食得出嘅新鮮；沙白大粒飽滿，鮮甜又無沙；蟹籽墨汁漿同澎湖花枝漿都係爽口質感，味道唔artificial。美人花膠同爽脆炸魚皮都係必點之一。我最愛嘅台式蝦餃同水蓮❣️黎牛大人先食到嘅台式風味✨飲品推介鴨屎香檸檬茶，幾乎每枱都有人飲緊，嗰種獨特香味真係好上癮😂 仲有得嗌少爺PILSNER啤酒🍻爽返下！見人排隊我又排！原來圍住雪糕櫃揀雪糕🍦😍晚市入座可任食Dryers 雪糕！特別推介開心果朱古力脆皮💚朱古力嘅細膩香濃，加埋雪糕嘅幼滑同開心果嘅香
湯底我習慣叫紅燒牛骨鍋🥘 中意佢有牛骨香味但味道唔搶，咁先食到火鍋料嘅鮮味嘛😋
作為貪心嘅兩位食肉獸，我地幾乎試匀最高價位嘅所有豬、牛、雞肉類🤤 包括花雕酒雞件、安格斯特選牛板腱、紐西蘭羊卷肉、澳洲和牛M5 牛肩卷、SRF美國黑牛後腿肉、手切封門柳、西班牙豬梅肉片、澳洲和牛牛胸爽，全部肉質上乘嫩口，啖啖肉超滿足！連兩粒牛丸都係取材澳州和牛，咬開油脂爆發，仲好彈牙👍🏻
海產方面，百配鵝脆腸唔係間間有，係我必點。台灣鯛魚片同鮮甜海蝦食得出嘅新鮮；沙白大粒飽滿，鮮甜又無沙；蟹籽墨汁漿同澎湖花枝漿都係爽口質感，味道唔artificial。美人花膠同爽脆炸魚皮都係必點之一。
我最愛嘅台式蝦餃同水蓮❣️黎牛大人先食到嘅台式風味✨
飲品推介鴨屎香檸檬茶，幾乎每枱都有人飲緊，嗰種獨特香味真係好上癮😂 仲有得嗌少爺PILSNER啤酒🍻爽返下！
見人排隊我又排！原來圍住雪糕櫃揀雪糕🍦😍晚市入座可任食Dryers 雪糕！特別推介開心果朱古力脆皮💚朱古力嘅細膩香濃，加埋雪糕嘅幼滑同開心果嘅香味，我忍口唔食第三條😆雪糕富户大滿足🙌🏻
Post
