Video
Read full review
2023-01-18
1315 views
🌟餐廳 : PICOSO📍地址：荔枝角長沙灣道883號億利工業中心1樓101室💰價位：～$50⏰營業時間：星期一至日 12:00 - 15:30 / 18:00 - 22:00📱電話：2743 8004荔枝角出晒名有好多唔同既文青小店同Cafe~難得今日係附近做完野，夜晚一於約埋朋友去行下D2 Place 順便去附近搵吓有啲咩食，做返一日文青先🤣今晚我哋就揀咗有好多Cafe嘅億利工業中心，一於試下呢一間「Picoso」主打墨西哥菜既餐廳♥️———————————————————🔹香煎大蝦鮮木瓜沙律顏色好豐富，未食都覺得吸引～香煎大蝦好爽彈而且啖啖肉，搭配新鮮木瓜沙律菜，味道好清新健康，非常開胃～———————————————————🔹 芝士焗招牌玉米薄脆 （配煙燻手撕豬肉）夠哂邪惡既餐前小食🤭粟米薄脆搭配我最愛既牛油果醬、蕃茄莎莎醬及酸忌廉，充滿濃濃嘅墨西哥風！三種醬料搭配粟米薄脆夠晒惹味開胃，再加上招牌嘅煙燻手撕豬肉，食落甜甜地，淡淡滋味！再加上上層鋪滿拉絲既芝士，好邪惡，正～———————————————————🔹墨式香甜粟米呢個菜式簡單得來又好味，粟米好香甜爽脆，搭配新鮮沙律菜同蕃
📍地址：荔枝角長沙灣道883號億利工業中心1樓101室
💰價位：～$50
⏰營業時間：星期一至日 12:00 - 15:30 / 18:00 - 22:00
📱電話：2743 8004
荔枝角出晒名有好多唔同既文青小店同Cafe~難得今日係附近做完野，夜晚一於約埋朋友去行下D2 Place 順便去附近搵吓有啲咩食，做返一日文青先🤣
今晚我哋就揀咗有好多Cafe嘅億利工業中心，一於試下呢一間「Picoso」主打墨西哥菜既餐廳♥️
———————————————————
🔹香煎大蝦鮮木瓜沙律
顏色好豐富，未食都覺得吸引～
香煎大蝦好爽彈而且啖啖肉，搭配新鮮木瓜沙律菜，味道好清新健康，非常開胃～
———————————————————
🔹 芝士焗招牌玉米薄脆 （配煙燻手撕豬肉）
夠哂邪惡既餐前小食🤭
粟米薄脆搭配我最愛既牛油果醬、蕃茄莎莎醬及酸忌廉，充滿濃濃嘅墨西哥風！三種醬料搭配粟米薄脆夠晒惹味開胃，再加上招牌嘅煙燻手撕豬肉，食落甜甜地，淡淡滋味！再加上上層鋪滿拉絲既芝士，好邪惡，正～
———————————————————
🔹墨式香甜粟米
呢個菜式簡單得來又好味，粟米好香甜爽脆，搭配新鮮沙律菜同蕃茄莎莎，又係一個好清新嘅組合！
———————————————————
🔹Quesadilla 招牌墨西哥薄餅 （配烤西冷牛肉）
熱辣辣既香脆薄餅，夾雜牛油果蓉、蕃茄及酸忌廉，呢個組合又係冇得輸！！
我哋揀咗烤西冷牛肉，搭配埋薄餅一齊食，好滿足好飽肚💕
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
如果你好似我咁都好鍾意食牛油果嘅話，呢間墨西哥菜一定好啱你！特別一讚呢度無論裝修及陳設都充滿墨西哥風情，而且每種食物都有我最鍾意嘅牛油果，超正～
Post
