Take Eat Easy (Closed)

繁忙嘅都市人，最緊要識得放鬆吓，識得Take it easy，日子都好過啲。而呢間餐廳嘅名就提醒咗我要放鬆啲，Let’s Take Eat Easy!餐廳只有八個座位，我喺繁忙時間到達，都等咗一陣先有位，所以店名另一個意思就係話俾大家知佢哋都有做take away。餐湯都唔貴，所以我同朋友都叫咗餐湯，是日餐湯係椰菜花忌廉湯，除咗有椰菜花之外，仲加入咗薯仔，所以口感豐富。我哋想揀一個輕食，所以選擇咗澳洲牛肉醬墨西哥卷，但上枱先知原來份量非常十足。肉醬分量超多，亦混入三色椒絲及洋蔥，攞上手非常重身，而且充滿肉汁，食嘅時候都要小心。而店員亦都好細心，有提供手套方便食客。而且仲有沙律菜拌碟，沙律菜非常新鮮，而最特別嘅就係佢加入咗西瓜粒，所以感覺特別清新，非常適合夏日呢個天氣。另外店員特別推介佢哋嘅薄餅，因為佢哋嘅餅底係自家製人手搓成，所以我哋就揀咗辣肉腸西班牙火腿薄餅。果然新鮮出爐仲要人手搓嘅薄餅真係特別好食，上面嘅火腿份量非常多，整個Pizza亦都非常大size，真係好食又抵食。夏日炎炎，最適合飲番支檸檬梳打，甜甜酸酸咁味道不錯。以小店而言，其實佢嘅選擇都非常多，而且每一樣出品都非常有誠意，