譚仔雲南米線 (德昌商業大廈)

Open Now

Now Closed

感覺上，今年的聖誕節跟去年相比，明顯氣氛差咗，街上人流少了；普遍地，商場都無咁旺。即使來到旺角，都是 “任我行”，莫非，啲人出晒外地過聖誕?行咗一陣，都搵唔到有咩嘢可以買，就去搵啲嘢食，食完就返歸。因為昨晚食咗火鍋放題，所以，今晚決定勒住自己唔可以再食咁多，卒之，去咗食譚仔。平時呢個時間，一定爆晒棚，今日卻好冷清，連檯都唔使搭，真少見。叫咗一碗清湯米線配魚腐、牛丸和魚蛋，另一碗番茄湯米線配酸菜、魚片頭和雞肉，再加五隻香草雞翼。湯底好鮮味，魚蛋、牛丸都大大粒，好有口感，而魚腐嗦透了湯就非常可口。魚片頭好爽口，酸菜好開胃，雞肉就太碎。之前食過土匪雞翼和麻辣雞翼，而香草雞翼就係第一次食。感覺上，呢個香草雞翼比唔上麻辣雞翼或土匪雞翼，因為食落又唔香又唔辣。好少可，喺譚仔竟然可以慢慢食，慢慢坐。呢個聖誕節真不一樣。