Rubato Music House Bar & Kitchen (Closed)

其實男人搵地方食野要求好簡單，價錢唔太貴，地方乾淨企理，招呼唔會無禮貌就OK。呢間餐廳樣樣野都叫做齊既，唔多覺佢係新開張。咁啱其中一位老細係到，我都有同佢讚返真係幾掂，傾多兩句又知道真係唔容易。環境望落幾靚，仲要有小型舞台，老細話係晚晚都有音樂表演喎。到份食物黎到，其實我都係求其揀個餐試下，見到個份量就知一定夠飽。先唔講味道，份量就令我覺得抵食啦。我唔係好識食，亦好少周圍特登搵野食，呢間幾滿足到我。老細話夜晚氣氛會好唔同，下次醒起再睇下有無緣再見。