火車頭越南餐室 (朗豪坊)

Open Now

Now Closed

近期我哋食少咗韓國嘢，又少食咗打邊爐，因為A姐口味變晒，佢近期鍾意咗食越南嘢，唔通佢...有...咗？！係我就要儲奶粉錢喇，做返有腳嘅雀仔喇，但事實係佢真係好難捉摸，線之佢想食乜就食乜啦。今日就去到旺角朗豪坊食大坑名物火車頭越南餐室。火車頭招牌湯河有齊唔同嘅精選配料先稱得上係火車頭招牌湯河，先飲啖濃而不膩嘅湯底，牛味香濃唔會死鹹。配料有彈牙牛丸、香滑牛腩片、膠嘅又入味嘅牛筋，仲有牛柏葉同牛爽腩，而最驚喜一定係炆得超入味嘅白蘿蔔啦。而Pho嘅份量都幾多，同A姐share啱啱好呢！蒜蓉牛油雞翼外皮炸得鬆脆，仲食出淡淡嘅牛油香同香濃嘅蒜蓉味道。雞皮脆香，雞肉又嫩又多汁，一人2隻剛剛好。咖喱雞煲咖哩煮嘅過程放入大量香草，當然唔少得九層塔。而混入椰奶嘅咖哩，食落唔辣，但香味就好突。雞件有成6-7件，夠晒嫩滑，今日就配上蒜蓉包，索晒咖喱汁，好好味呀。馬拉盞炒通菜最後食埋份量十足嘅馬拉盞炒通菜，鹹香味濃。