紅椒力量

Open Now

Now Closed

今晚同屋企人食晚飯，諗咗好耐都諗唔到食乜好，有人建議食泰國菜，有人又鍾意食中式，又有人想食扒，邊度可以一間餐廳滿足晒咁多人嘅願望呀，靈機一觸，屋企附近好似有間叫紅椒力量嘅餐廳，好似佢乜都有得食喎！好啦！我哋今晚一於去紅椒力量食飯啦！我哋叫咗個雞煲，叫咗二人餐，冬陰公海鮮湯加海南雞例牌，炸春卷，泰式鳳爪，馬來沙嗲串燒。另外，我哋又叫咗個中菜二人餐，菠蘿咕嚕肉加椒鹽鮮油配白飯，個菠蘿咕嚕肉真係正，啲豬係好新鮮，送飯真係一流！紅椒力量嘅飲都好有特色，果汁沙冰係用鮮果汁打，個椰青更加唔使講啦，又大又鮮甜！我諗下次唔知食咩菜好嘅時候，我會知道可以去邊度食啦。唔使諗啦，一定係紅椒力量。