Video
Read full review
2018-01-18
119 views
香港人對台灣應該好熟悉啦，但大多數都係講台北，例如牛肉麵、滷肉飯之類，比較少人會接觸到台南既美食。上年由台南過江挑戰我地香港美食既度小月係海港城開左第一間香港店，咁岩經過就一於試下啦！入到去，可以選擇坐窗口位，簡直係五星級享受，入眼一片藍色海景，好寫意。睇餐牌，感覺每樣食物都好似滴滴骰骰咁，size唔係好大份，但係價錢都較貴。我就叫左3樣小點，3樣食完都係6成飽。擔仔麵（$28）係度小月的招牌，超級迷你一碗，大概就三四口既分量。麵底墊住大量芽菜，而麵就好似係我地香港車仔麵既油面一樣既口感，但冇咁油膩同彈牙。麵上有芫茜碎和肉躁碎，仲有一隻的蝦仁。麵湯好飲，飲到好濃郁既蝦味，甜得黎又飲到鮮味。可惜分量實在太少啦，個時去台南旅行，大大碗又多料既擔仔麵。講緊都係十幾蚊港幣。古早味鹵豆腐（$20）豆腐既口感好似百福豆腐，係好嫩好易碎個種，豆腐經過滷汁浸泡，顏色呈咖啡色，在表面淋左一層台灣既醬油膏，味道有一d單調，甜鹹而無豆香味。我實在懷疑台南人前世係咪螞蟻，醬油膏係鹹得黎好甜，甜到有d奇怪。安平鮮蚵湯（$38）一小盅非常迷你，入面就係豆腐塊、 鮮蚵、鹹菜絲和薑絲，加左一dd鹽黎調味。 鮮蚵姐係蠔
入到去，可以選擇坐窗口位，簡直係五星級享受，入眼一片藍色海景，好寫意。
睇餐牌，感覺每樣食物都好似滴滴骰骰咁，size唔係好大份，但係價錢都較貴。
我就叫左3樣小點，3樣食完都係6成飽。
擔仔麵（$28）係度小月的招牌，超級迷你一碗，大概就三四口既分量。麵底墊住大量芽菜，而麵就好似係我地香港車仔麵既油面一樣既口感，但冇咁油膩同彈牙。麵上有芫茜碎和肉躁碎，仲有一隻的蝦仁。麵湯好飲，飲到好濃郁既蝦味，甜得黎又飲到鮮味。可惜分量實在太少啦，個時去台南旅行，大大碗又多料既擔仔麵。講緊都係十幾蚊港幣。
古早味鹵豆腐（$20）豆腐既口感好似百福豆腐，係好嫩好易碎個種，豆腐經過滷汁浸泡，顏色呈咖啡色，在表面淋左一層台灣既醬油膏，味道有一d單調，甜鹹而無豆香味。我實在懷疑台南人前世係咪螞蟻，醬油膏係鹹得黎好甜，甜到有d奇怪。
安平鮮蚵湯（$38）一小盅非常迷你，入面就係豆腐塊、 鮮蚵、鹹菜絲和薑絲，加左一dd鹽黎調味。 鮮蚵姐係蠔仔，搭豆腐一流，因為佢既海鮮味較溫和，同豆腐好夾。湯水好清澈，一d都唔會渾濁，呈琥珀色，味道清淡唔油膩，好清新既一道料理。
總括而言，台南口味未必人人適合，因為整體偏甜，而且如果係大食既話，食完可能都會覺得唔夠飽！嗚哇，好想即刻飛轉台南，個度就真係又平又抵食啊！
Post
