當晚加咗$68叫咗呢碟殼肉分離嘅燒蠔，入口極腥。當晚食完就肚痾，懷疑呢碟係元兇。
餐廳有維他奶系列嘅食物，叫咗維他奶芝士西多、維他奶紅豆冰。維他奶芝士西多士食落同平時茶記啲西多士一樣，冇咩芝士/維他奶味。
維他奶紅豆冰就如其名，純粹係碎冰+維他奶+紅豆蓉。維他奶份量都好少，無咩誠意。
另外我哋仲叫咗杯類似羅漢果水嘅嘢飲，但飲落同凍水無咩分別。
串燒類我哋都叫咗少少嚟試，整體無咩特別，唔香口，求其搵間串燒舖都好食過呢間。
唯一正常啲嘅係沙嗲牛麵。甜甜地，唔辣嘅。
結論係覺得間餐廳overrated。埋單都五百幾蚊，唔飽之餘仲要唔好食，真係慳返啲錢食其他嘢好過。
