好似幾多選擇，不過唔太平～ 全場好細，又得 2 個 waitress ~
在 yahoo 團購上見到尼間餐廳，又在女朋友家附近，雖然女朋友以前黎過話服務超差同食物質素唔值尼個價，但係見半價即管試吓啦。
因為係團購關係所以規定晚上 2100 後才可食，當晚到場都見成場有 4 枱係用團購食，本來我哋坐梳化位，但係職員叫我哋坐隔離鐡坐位等佢執好先返位，點知佢一執好唔知點解又叫新到 2 位客坐咗，如果唔係我女朋友按著我，我實問個 waitress 攪乜嘢？！
坐底咗 15 分鐘都冇過黎放好 D 餐紙同刀义，只係入黎嗰陣問咗一句係咪用團購，但係全部同時新入黎嗰 3 枱都故放好晒～ 獨獨唔理我哋真奇怪，跟住見個 waitress 幫人隔離落單，但係落唔掂話部 ipad system 落唔到 order 同埋上唔到網 check coupon，唯有手寫低先，佢一個又送餐又執枱又清潔所以忙到死，另一個 waitress 又坐實在收銀機狂攪上網～
等咗成 20 分鐘終於先黎落單，之後放好刀义，但係我同女朋友 2 set 嘅刀都唔同樣好得意～ 我哋落咗 2 個包餐，問吓佢牛肉有冇得 7 成，佢話如果客冇特別 order，一般係 7 成熟～
Total 等咗 40 分鐘終於有嘢食～
2 個包除咗嗰皮，其實麥當勞個安格斯重好食～ 牛肉又唔係 7 成，係 10 成有 D overcook 所以乾乾哋又鞋口～
反而杯菠蘿雪榚新地幾 ok, 但係我杯凍檸茶又自動變咗小小小甜～
食完都收鋪，又為佢地 service 到咁所以成 2215 ～
食完今次真係 No No No ~ 個包其實唔太差，不過 overprice 咗，應該只值 $40，最大鑊係唔夠人手個 system 又有問題～
