Westwood Carvery

Open Now

Now Closed

呢間餐廳好落本做PR，請埋新假期報導，見個海膽意粉幾吸引，約埋朋友諗住食餐好嘅。報導話間餐廳好爆，但我地坐成晚都唔見佢滿座。一坐低，首先話最低消費每人400，ok…… 真係好warm嘅服務啊我地兩個女孩子想要個二人餐，兩位男士散叫。點知落單時話唔准，四人枱只准叫四人餐，唔准部分人叫其他菜式唔食餐…… 嗯，有d霸道，唔係好友善嘅感覺。最後都係散叫。最期待嘅海膽意粉----唔好意思無喎。我地係嗰晚第一枱都話賣晒，而且menu上係無呢道菜嘅，耐人尋味。青口幾好食，但一般餐廳都唔會做得太差?Portobello fries麻麻地，攞出嚟已經唔熱，同埋好多油trap咗喺炸粉底，一叉落去成碟油慢煮prime rib好食，煮得夠林，保留到肉味慢煮baby rib都唔錯，但過林，有d似煲湯豬肉嘅口感黑松露意粉不過不失，落咗好多菇但松露不足，而且份量好細，男士應該食兩個都唔飽埋單2150，4位整體嚟講，味道唔錯，但以呢個價錢嚟講，我覺得可以得到更好嘅食物質素同服務，所以不recommend