對吃貨黎講好興奮
好多新餐廳！
今日就試下新加坡過江龍chatterbox
離遠都望到條人龍
大約等15分鐘左右就可以入座
店內環境都幾靚幾高級！
但座位都幾近
傾計就唔太適合啦！
睇睇menu
貴咗啵
平均每樣貴咗$10
岩岩開咁快加價？都幾貴！
文華海南雞飯$128
好快黎！落單3分鐘就到
個湯好清甜
唔口渴！
飯亦都粒粒分明又口感岩岩好！
雞油味平衡！
唔係出面黃到好得人驚既雞油飯！
好嘞！到雞啦
份量都幾多
佢都幾貼心
有兩種雞既部位
一層係滑d既 一層係瘦既
但好可惜
無 乜 雞 味
同金雞 柏檔海南雞差唔多
人地個豉油仲好食.......呢度好鹹:(
但人地平好多...............
呢個係咖哩雞煲配白飯$128
一黎到
咁少飯但咁多咖哩？
男朋友唔夠飽
個咖哩味道不錯！
但都幾油下
入面有茄子，薯仔同秋葵
雞都係無雞味
呃
唔難食又唔係好食
$128真係唔值
整體黎講
呢度係食地段
食裝修囉
但我真係唔會再黎
$128都唔知比咗幾多錢幫佢地交租.......
至於服務就好好既！
有禮之餘亦都好醒目
唔會收哂人d野
好似趕人走咁
不過都補救唔到架啦
加埋一成$150一個飯
性價比好低
