元祖沾麵專門店 (Closed)

呢間厚福街既元祖沾麵長期多人，舖頭門面細細，唔多起眼，但成日就有好多人等。佢最主打係沾麵，佢有好多好有特色好豪華既沾麵，有成20+款唔同既沾麵，例如芝士海膽沾麵，鮑魚龍蝦沾麵，款款都幾名貴。我今日食左： 🔸️極上芝士蟹皇沾麵（$159，9／10）佢上枱既時候我嚇一跳，佢既沾麵個湯係用石鍋上，超級滾超級澎湃，滾左成2分鐘都未停，真係第一次見。嗰碗沾麵都好大碗！有成4塊叉燒，好足料！ 另外佢仲有另上蟹皇芝士蓋，上面舖滿芝士，全面係滿滿既蟹膏🤤 旁邊仲有好多蟹籽沙律。啲沾麵本身係凍上，浸落好滾既湯入面，一凍一熱，更加食到沾麵既彈牙！湯底濃郁有杰度仲超級有龍蝦味，最驚喜係佢湯入面原來有超多料！有好多龍蝦肉同排骨，超級超級足料！啲沾麵掛左啲湯再拌埋蟹膏芝士，真心好正。本身覺得佢要百五蚊有啲貴，但我發現佢十分值呢個價錢。推介！