正宗上海生煎皇 (Closed)

行旺角，經過呢間由前樂壇組合Bliss成員Oscar所開的「正宗上海生煎皇」。門口貼滿娛樂圈朋友(包括蔡瀾)的相片同傳媒報導，有感相請不如偶遇，隨即入內直搗招牌生煎包同上海之寶小籠包(=茶記一試沙爹牛麵同奶茶便知龍與鳳嘅道理)。而食後感亦有如初衷，偶遇可一試，相請大可不必了。▼..試食報告..▼ 上海生煎包 ($16 / 2件)夠熱 (果然係即煎)，個皮亦煎到脆一脆，圍邊有微微金黃色，入面的豬肉調味恰到好處，吊到肉嘅鮮味出嚟。看似完美之際…..你會發現……頂!裡面得幾滴汁？！are u kidding me?! 我唔知所謂正宗上海口味係咪咁少汁，但好可惜我早已品嘗過荃灣嘅「祥興記」嘅爆汁生煎包，人哋一樣係皮脆金黃肉質鮮美。所以如果要專登食生煎包，我會毫不猶疑咁返去一試難忘嘅荃灣。 灌湯小籠包 ($31 / 4件)對小籠包嘅要求：大細適中、皮薄，夾起唔會穿、爆汁、肉香、肉量適中、用正醋。結果呢？ 話明灌湯，終於有汁喇。味道OK (沒有驚艷感覺)，皮很厚(曾經有師傅同我講過上海人以前食小籠包係求飽肚,所以當地的皮會厚)，醋質素一般。而人哋金滿庭$58有8隻，做齊我嘅要求，而呢度咁嘅用膳環境