1
排排坐、食粉果 ﹗第一次黎，入到大廳即感到噩然，完來裡面咁細架？枱櫈放得密質質，毫無私人空間，坐得好唔自然，枱又勁細，想 order 多幾樣小食都無位放。放兩碗湯、兩杯水、調味架，無位喇 ﹗我又諗起周星馳係食神入面既金句喇 ﹗講返內籠佈局同設計，成排 12 個位 6 張枱排排坐，枱與枱之間只有兩三吋距離，真係好有坐地鐵 feel 喎 ﹗真係地下鐵蟹后她囉。擺設同裝飾又幾精緻典雅既，氣氛算 peace 算舒服，係坐得麻麻地囉。餐廳佈置簡約，以 Angela baby 相片為主。服務好一般，欠細心、欠專業、欠熱情。經典懷舊什扒餐 HKD168？﹗見到隔離位男仕既懷舊什扒餐甚有花園餐廳既風格，大大件、多多汁，味道就唔知喇，會唔會都係花園餐廳港味呢？忌廉南瓜湯，我一向對南瓜都麻麻，即管試試啦。味道清香而不太甜、質感較粗欠幼細，合格啦。火雞胸凱撒沙律，乾鞋得出奇既火雞胸，一啖放棄。沙律蠻好啦，簡簡單單新鮮爽嫩就捐掂。餐包，暖暖地而帶淡淡甜味及麵包香味，外脆內軟加上牛油幾好味噃。荔枝茶，order 套餐既指定餐飲，無得揀？﹗咁是但啦。第一次飲，好香荔枝味，不太甜而淡淡茶香，可以清清味蕾，都幾好。黑松露油炒蛋，用西式煮法，燒紅個鑊後離火，利用餘溫炒熟，不燙而暖暖的滑蛋。厚度足夠，包住蛋汁在內，口感濕潤，味道有好濃郁既黑松露香味，再帶點點牛油及香草味。味道清新宜人，好好味，值得推一推。其實上菜可否做得專業一點呢？樓面跟廚房可否好好去溝通呢？張枱已經勁細，order 一碟又一碟接住送到，有無留意食客連頭盤同湯都未食完呢？張枱放兩隻碟、兩隻水杯、兩隻茶杯、一個麵包籃、一隻小食碟、兩份刀叉已經爆到無得再爆，仲要上埋主菜？﹗您想放係邊呀？搞到我地要急急食埋幾啖，再合併成一碟騰出空間，到底咩餐廳呀？﹗係咪應該等食客處理完個頭盤同個湯，先叫廚房起個 main course 呢？我唔係黎食個幾百蚊既快餐架 ﹗黑豚扒配酸梅汁，黑豚肉份量夠晒大，啱晒食肉獸既我。啖啖肉又 juicy，質感棉而有趙口。外層煎得香口，裡面鮮嫩，而且豬肉濃郁，肉汁一路切一路不停流出黎。上枱熱辣辣，配甜而微酸既紅梅汁同吃，更加醒胃，Good ﹗讚呀 ﹗吉烈豬扒併白汁酥皮海鮮盒，繼 Baby 3 食後，又一可怕傑作，依個配搭硬係覺得怪怪的 ﹗薄薄既吉烈豬扒都算處理得恰當，炸得鬆化唔會硬屈屈，咬落仲索索聲添。但係食唔出有豬扒既味道，被麵包糠完全蓋過 ﹗兩塊麵包夾住薄薄既豬片。嘩 ﹗個酥皮海鮮盒係心形架，幾特別，sweet ﹗哈哈 ﹗不過腍劈劈又靭呢，因該只係睇，唔係食。海鮮有蝦、帶子同青口，雪藏貨都係咁上下味道，白汁一般啦。張枱真係好細呀 ﹗唔好再出 order 得唔得啫 ﹗真係有點火 ﹗想點放邊度呀，食都食得唔舒服，吼 ﹗食緊飛機餐定係快餐呀？﹗
The above review is the personal opinion of a user which does not represent OpenRice's point of view.
Like
Recommended Dishes
黑松露油炒蛋
黑豚扒配酸梅汁
Date of Visit
2014-01-18
Waiting Time
5 Minutes (Dine In)
Spending Per Head
$200 (Lunch)
