名代宇奈備長炭燒鰻魚飯專門店 (iSQUARE國際廣場) (Closed)

久違了嘅鰻魚飯，最後一次食係19年响名古屋，最近電視見到旅遊節目介紹鰻魚飯，勾起日本之旅，而香港我覺得數一數二嘅鰻魚飯係呢間，但今次真係令我有少少失望！🥢鰻魚燒玉子 $78⭐️⭐️⭐️外賣一品料理選擇只得兩款，我哋揀咗燒玉子，雖然外賣返到屋企變凍咗，但仍食得出玉子夠滑夠蛋香，反而鰻魚有啲乾同唔夠炭香，所以扣咗少少分。🥢鰻魚重(特上) $168x2⭐️⭐️⭐️鰻魚控每人一客鰻魚重，差唔多一整條鰻魚喇，要求多汁真係有加到，每條鰻魚都肥大肉厚燒得好有炭香味，仲將所有油脂迫晒出嚟，不過略嫌今次燒得過咗火皮太燶，除此之外，魚尾部份有太多碎魚骨，又扣咗啲分。二人共消費：$311 (外賣平台自取）