Lagom Kaffe (Closed)

見到介紹，牛頭角地鐵站附近的商業大廈開咗哩間新餐廳，當然要去試吓啦😍 牛頭角地鐵站行過去5-6分鐘左右就到，都好方便～ 餐廳喺商業大廈入邊，好光猛，感覺好好☺️ 一入去就係一個好闊落嘅空間，有落地玻璃大窗，又有一個好大嘅水吧，侍應喺度沖咖啡，感覺非常好👍🏻 枱與枱之間嘅空間亦都好多，有窗邊卡位，都有梳化位～ 食物選擇方面，唔算好多，有三文治、沙律、意粉、咖啡、窩夫，我哋叫咗三樣食物～炸魚薯條$88唔似平時食開嘅炸魚，佢係有五件細細件嘅炸魚，炸得外脆內軟，味道好好😋 而且配埋特別嘅沙律醬，有少少辣味，感覺刺激又新鮮，薯條亦都好香脆👍🏻松露干貝意粉$98賣相好討好，有三件元貝，煎得好靚，味道亦都好好～ 意粉充滿松露味，好creamy味道同口感亦都好好😋紅豆麻薯抹茶柚子窩夫$128賣相亦都係好靚😍 窩夫係綠茶味，而且有綠茶嘅cream，同紅豆cream，再加上柚子醬～ 綠茶cream嘅味道唔甜，但充滿綠茶味～ 紅豆cream亦都唔算甜，柚子醬帶酸味，感覺清新～ 主角窩夫外脆內軟🤩 味道好好👍🏻 麻薯就喺窩夫裏面，口感非常好👍🏻 值得一讚🥰整體感覺，餐廳環境非常好，食物質素亦都好好，一定會再光顧