味道樂居酒屋 (元州街) (Closed)

住得係深水埗區，當然時不時會留意區內有咩好野食。呢間居酒屋既名係區內一早已經響噹噹，因為佢個鰻魚飯據説有手板咁長！星期六既下晝就黎會下呢個特長鰻魚飯。日式木系的傳統居酒屋:印有雞泡魚的匙羹:原條成田醬炭火燒鰻魚飯 ($128)條鰻魚既實物真係有手板咁長，大概係1.5部5寸mon電話! 鰻魚厚肉肥美，食落有油脂; 而且魚皮薄，無腥味，魚骨算少同埋都屬於幼身。加上甜甜地火燒既醬汁，又唔會過咸，十分oiishi！不過有點可惜的是，白飯有少少凍同硬，用珍珠米的話應該會有咬口啲。海膽三文魚籽甜蝦蓉丼 ($128)呢度有三款丼飯選擇，三款既配搭我都鐘意食，所以都考慮左一陣揀邊款。最後揀左2號飯。飯底的白醋味頗濃，所以用甜蝦蓉黎撈飯最適合，因為夠鮮甜，中和返啲酸味。建議如果可以飯同配料分開上，比客人自己整壽司食，應該會更有趣。特長的鰻魚飯完全屈機，怪不得係鎮店之寶，應該會再回來encore的。