原本以為新鋪係點心專門店，仲要開系中環，質素都有返咁上下，兩個人食叫左鳳爪排骨飯，蟲草花北菇蒸雞，黑松露蝦餃，蜜汁叉燒腸同紅棗糕。
先講蒸飯唔知係落得太多水定蒸耐左，個飯係濕既！ 唔係飯嘅粒粒分明既感覺仲又近乎粥嘅質地，好難食。鳳爪排骨就正常，無咩特別。仲要勁油。🤤
蟲草花蒸雞，無蟲草花味，寧願佢話係普通蒸雞就無咁大期待。正常。份量係比一般去酒樓飲茶細，不過開得係中環貴又份量細我覺得正常，但唔太好食先係重點😓
黑松露蝦餃，蝦餃皮厚。一籠兩隻。
最基本既蝦餃都整唔好，加咩黑松露都補救唔到。
蜜汁叉燒腸同樣份量細，不過好彩入面餡料都滿。
最尾甜品加左個紅棗糕，反而甜品係最正常，幾香紅棗味又煙韌有咬口。
現場見反而多外籍人士去食，好可惜佢地食唔到最到道好味既點心。
