迷客夏 (Closed)

係樓下開咗間台灣過江龍迷客夏，啱啱起身諗住食個lunch，咁啱見冇咩人排隊就同朋友去試吓啦，叫咗兩杯飲品，鮮橘綠茶，綠茶味好淡，不過有啲果肉咬下，算係一般，唔係好甜。最失望係杯手炒黑糖珍珠鮮奶冇咩奶味，黑糖唔知係咪炒窿咗，杯野有啲苦澀，好大陣窿味，珍珠OK有啲咬口。冇乜人等但係都要等左一陣先拎到飲品，仲要櫃檯服務員冇叫Number要我哋自己拎同埋自己拎飲管插，服務質素好差應該唔會再幫襯希望可以改善下啲服務質素啦！