本場

Open Now

Now Closed

昨晚星期日睇完30蚊優惠價電影就同埋d細路去咗食呢間嘅和牛烤肉放題，之前之經open rice 訂咗位。 根據以往嘅經驗，星期五至星期日喺旺角食黃色時間食晚飯，無訂位嘅話，你一係就唔駛食，一係就等到宵夜時段左右喇……，但係今時今日，升降機停經瓊華中心多間食肆都係仲有大把位，升降機大堂亦唔駛排隊等𨋢，香港嘅食肆再唔諗番d計，增進番多d需改善嘅空間嘅話，就真係唔駛做囉…講番呢間放題店，連我個侄得十幾歲都識話呢d算係咩和牛嚟……咁其他我就唔再落井下石，但真心講，嘅然做得主打，收得咁價錢，比d咁嘅質素嘅肉客人食嘅，你都真係收得落……，坦白講，咁嘅價錢喺銅鑼灣都有其他更好嘅選擇，起碼真係和牛