R.I.M.K (Closed)

已經好耐冇同男朋友食飯，今日喺旺角揀咗一間裝修好新穎打卡一流嘅Cafe我好鍾意餐廳佢哋自備左水俾我哋唔使麻煩店員，仲要係我最鍾意嘅檸檬水😙睇完餐牌覺得價錢非常相宜，首先要咗脆炸黑松露雞翼同避風塘薯條做前菜。😁黑松露雞翼非常香脆上面除咗黑松露醬之外仲有蛋黃醬，雞翼超級大食新鮮炸起仲好多汁添避風塘薯條係第一次試，未到嘢味上面沈左避風塘嘅調味料仲帶有少少乾辣椒，另外我哋問佢再要咗少少茄汁係點，好高質推介。😎 我哋其中一個要咗套餐所以跟咗一個迷你櫻花龍蝦湯，蝦味好濃而且質地好creamy😀我哋要咗蟹肉蟹子明太子扁意粉，蟹肉蟹子同明太子嘅份量都好多，好適合fans去嗌，而且扁意粉煮到嘅質地非常之彈牙，每一條麵都好吸收晒汁嘅精華。😍另外就要左招牌名古屋蒲燒鰻魚蛋包意大利飯，好驚喜嘅係原來係原條鰻魚上，所以上菜嘅時候都覺得效果好震撼，鰻魚好肥美所以配合埋蛋同飯係好夾，估唔到呢個價錢有咁高質嘅鰻魚蛋包飯。🥰🥰另外套餐仲包左是日精選甜品係一個蛋糕，蛋糕質地鬆軟而且cream好有伯爵茶味，再加埋另外配襯嘅凍檸茶其實真係好滿足😎呢一間餐廳我見到好多都帶埋朋友仔嚟，所以下一次一定會再回頭❤️