上海美華菜館 (Closed)

早前食過呢度嘅粢飯同豆漿，今日又想再去尋回味。但原來粢飯豆漿係冇得堂食？我當時聽到都十分奇怪，向老闆娘話上星期我才食完咋喎？佢話如果你要食粢飯豆漿就要外賣食？ ？ ？原來11點前先至可以堂食，老闆仲叫我出去望吓個牌，但其實我望完個牌，淨係講話早餐時段可以食呢啲嘢，就冇講明11點後不可堂食。開頭以為都係我自己搞錯，點知坐我對面嗰位姐姐和隔離枱的一對客人，都係唔知道冇得堂食。但一場嚟到唔通真係買走外賣食咩，於是就改食排骨菜飯，不過都抵佢個老闆咁串嘅，個菜飯就真係好好味😋首先個飯同啲菜味道混合埋一齊，而且飯非常乾爽不會淋啤啤，醃排骨又唔會炸到好乾，個餐湯，都好好味當然相信有味精啦。整體來說，他們的食物質素真的是有水準。