Be Leaf (Closed)

同朋友一早睇中左呢間餐廳好耐，影相打卡好靚，好多位置都可以俾你慢慢影相，post上社交平台呃like😌，記得提大家要早少少過嚟等位，呢間餐廳就算平日夜晚都好多人✨小食拼盤$108有泰式魚餅，炸洋蔥圈，水牛城雞翼，魚餅會跟埋泰式甜酸醬，估唔到食西餐嘅地方都咁有泰式風味，洋蔥🧅圈炸得非常鬆脆，炸粉唔會太厚，食到洋蔥嘅鮮甜味，水牛城雞翼個汁辣辣地好開胃，雞翼炸得好香口，同個芡汁好夾✨香煎焗波士頓龍蝦🦞燴撒丁珍珠麵$138有半隻龍蝦🦞，龍蝦大過隻手板，肉質超juicy ，好多蝦膏，蟹鉗部位亦都好多蟹肉，超滿足，第一次食珍珠麵，有啲似意大利飯，煙煙韌韌好有咬口，麵用龍蝦湯煮成，好鮮味，亦都加上大量芝士，蕃茄等配菜✨香煎白鱈魚柳配自家製橄欖杏仁醬$248肉質好嫩滑，有少少似食緊銀鱈魚，充滿油脂香味，點埋個橄欖杏仁醬食一流，仲有好多配菜，有紅蘿蔔🥕，菜心苗，仲有紫薯蓉Hot Chocolate $42估唔到叫朱古力個拉花都咁靚，朱古力味好濃但唔會太甜Grapefruit Summer $46底層係柚子汁再加上蝶豆花，飲品顏色好有層次感，打卡一流，味道酸酸甜甜，可以解下食物嘅油膩感總括嚟講，下次一定會