三上日本料理 (Moved) New Location

好耐以前喺元朗工作過，試過食呢間餐廳，印象唔錯，今日咁岩嚟開元朗，想重拾昔日味道。星期日都有午市套餐，價位正常，款式都係普通日本餐廳可以叫到既食物。點左一個自家製叉燒拉麵跟沙律同埋一個滑蛋豬扒飯跟沙律麵豉湯。店員忘記俾熱茶我哋，要提佢先俾番。餐廳環境唔算迫，但檯同檯之間完全無放隔板，亦無足夠距離。講番食物，跟餐沙律有點驚喜，有足料蟹子同埋沙律醋，幾開胃。拉麵湯底好重麻油味，但叉燒勁大陣豬騷味。豬扒飯亦一般般，但就夠熱。總結，餐廳食物質素比記憶中差左好多，希望可以佢有所改善啦～