燒肉 帝 (Closed)

之前嚟過呢間嘢食，啲燒肉非常之正價錢公道，但唔知點解無啦啦要裝修。見佢重開決定第一時間過嚟試！首先個電話打極冇人聽，打咗一個禮拜完全冇聽。我哋決定walk-in，佢話要等一個鐘，咁我就等。一個鐘後返嚟，但係個reception亂到爆，有啲完全冇book枱又俾佢入先，不過都算。最後我地叫左燒肉任食C餐約$450一位，但啲肉好差，無油花、無肉味，加咗鹽都唔覺得好食，仲要切到勁薄…. 知唔知乜嘢叫日式燒肉？….仲差過旺角啲上樓舖，同裝修前（同一個餐）真係差天共地。真係好難食，我哋食咗一個鐘頭唔夠就走咗，真係唔想嘥quota。如果純粹想任食燒肉，出邊大把餐廳好過佢，完全無心做的，可以bye bye～