滷友記 (華都中心)

Open Now

Now Closed

今日約咗老友記行街，經過呢間小店決定試下。餐廳嘅裝潢都簡單，貼咗不同款式嘅滷水菜式。不過座位偏細，如果一大班人嚟食就會逼咗少少，比較適合兩個人撐枱腳。點了招牌菜式牛三寶飯配滷水汁。牛三寶飯有牛筋、牛𦟌及牛肚。其實飯嘅份量都唔少，而且所有餸都好入味但又唔會好咸，真心炆得好入味嘅。平時食牛筋最怕就係唔夠淋，但呢度真心唔錯！但得讚賞。朋友點了一份四拼麵，有大腸、牛筋、墨丸、雞腎。雞腎都幾大份，同埋唔會太淋無曬咬口，而且湯底是有少少辣的。不過作為辣妹又點會滿足少辣呢？餐廳有兩款辣油，其中一款的麻辣油非常好食， 而且辣味好豐富。係餐廳都可以買到呀，都唔係好貴嘅。點了一份小食，係椒鹽炸丸拼盤，分別有墨魚，牛丸，貢丸，魚旦。椒鹽味好重，有少少咸，不話丸好彈牙，值得一試。