Video
Read full review
2014-07-11
2850 views
我都好少post openrice，不過今次真係忍唔住要post一下。 先要讚，係梁姓女經理態度好好，有笑容，又會同客人傾計，當師傅拎出毛蟹時，仲問我想唔想影相，佢o既服務好，同埋推介o左支好酒。謝謝！ 再要講，我食o既係HK$1,980 o既omaakse，不過同香港武滕鶴榮兄o既分量好唔同，壽司只得9件，冇鱒魚，冇小肌，車海老只得一件，鮪壽司得一件(見香港武滕鶴榮兄有6件)，埋尾又冇卷物，其實係咪香港武滕鶴榮兄係咪另外單點o左好多？(並無得罪香港武滕鶴榮兄之意 ) 跟手彈，戴眼鏡的西裝人(疑似高層)o既處事手法。事情係咁的。我去食o野，都會帶機影相，如果店家唔准影，我一定唔影，絕對冇問題。不過去香港咁多間omakase，好多都賓至如歸，但真係第一次遇到以下情況。我o黎到《鮨銀座おのでら》，book o左counter位，我右手邊已有兩夫婦客人，同疑似高層似係好熟不斷傾計。我襯左手邊未有客人時，影counter位，同時影餐牌，總之唔會影到右手邊兩位客人。不過兩夫婦客人見我影相，就問疑似高層係咪有記者影o野，如果係，就唔打搞佢。疑似高層未了解清楚情況，就走來我度講「唔好意思，如果
先要讚，係梁姓女經理態度好好，有笑容，又會同客人傾計，當師傅拎出毛蟹時，仲問我想唔想影相，佢o既服務好，同埋推介o左支好酒。謝謝！
再要講，我食o既係HK$1,980 o既omaakse，不過同香港武滕鶴榮兄o既分量好唔同，壽司只得9件，冇鱒魚，冇小肌，車海老只得一件，鮪壽司得一件(見香港武滕鶴榮兄有6件)，埋尾又冇卷物，其實係咪香港武滕鶴榮兄係咪另外單點o左好多？(並無得罪香港武滕鶴榮兄之意 )
跟手彈，戴眼鏡的西裝人(疑似高層)o既處事手法。事情係咁的。
我去食o野，都會帶機影相，如果店家唔准影，我一定唔影，絕對冇問題。不過去香港咁多間omakase，好多都賓至如歸，但真係第一次遇到以下情況。
我o黎到《鮨銀座おのでら》，book o左counter位，我右手邊已有兩夫婦客人，同疑似高層似係好熟不斷傾計。
我襯左手邊未有客人時，影counter位，同時影餐牌，總之唔會影到右手邊兩位客人。
不過兩夫婦客人見我影相，就問疑似高層係咪有記者影o野，如果係，就唔打搞佢。
疑似高層未了解清楚情況，就走來我度講「唔好意思，如果影相騷擾到客人，就唔可以影相。或者想影可以安排落場時間影。」
我覺得佢完全誤會晒，所以我話「我冇影到客人，但呢度可唔可以影食物？」佢話可以影食物，但又重複唔可以騷擾到客人。
究竟我如何騷擾客人？？！快門聲太大？如果係，就應食物都唔准影。所以真係唔明白。
其實我明白佢作為疑似高層，絕對要維護返其他客人，不過未搞清楚件事前，同我講o野o既字眼係咪唔應該咁呢？
而且我係同友人食成五千幾蚊一餐的，卻換來被打消興致o既對待。好失望。
希望店家見字，會有改善啦。
輪到講食物，我食o既係HK$1,980 o既omaakse，即最貴o個個。(再加神戶牛就HK$2,500)上圖就係「前菜」及「酒肴」，「酒肴」玩法幾似東京猛店《銀座 青空》，但整體驚喜度真係幾有距離，平凡o左D，突出唔到有咩過人之處。(東京《銀座 青空》我o個次食係25,000yen/人)
最好係「生拆毛蟹」，比《鮨佐瀨》同《壽司角》o既大隻得多，而一人分量都算多，亦係最甜最彈牙的。順帶一提，「生拆毛蟹」係北海道《壽司善》omakase出名玩法，後來去HK《鮨佐瀨》開店故引入這食法於omakase中，出來自立門戶o既《壽司角》所以亦有。至於《鮨銀座おのでら》亦有，係因為東京店開創人係由北海道《壽司善》出身。
刺身o既「平目」都好得，食得出幽香。「螺」就冇咩味，只係爽，唔夠甜。
「鮑魚」太軟，鮮甜度唔夠，《銀座IWA》爭得遠，仲要薄過《銀座IWA》好多，而《銀座IWA》我只係食中午HK$1,100 omakase已好過《鮨銀座おのでら》。
「紅酒煮鮟鱇魚肝」唔夠滑，呢個真係差過HK唔少高級鮨店，唔知係咪一時失手。
右上角「汁煮八爪魚」幾甜，都幾好。右邊「炸太刀魚」就爭D，比起食過o既來講，都係甜度唔夠。
左上係「三文魚子」放o係「茶碗蒸」上邊，三文魚子輕咬即破，皮未算好脆口，甜度中等，未算好鮮甜。
跟住就係「握壽司」，8款(9件)咋！(車海老當佢兩件，其實比起東京食米芝蓮級o既係細o左唔少，當地食係好大隻車海老)HK《銀座IWA》中午HK$1,100都有15件壽司(仲有唔少刺身前菜)，仲要中午o既魚生驚喜度都稍為高過《鮨銀座おのでら》，性價比輸晒，我都覺得好奇怪。 (係我知中午o既係隔夜o既)
其實《鮨銀座おのでら》應係用靚貨的，不過純以魚生味道計，真係略輸過《銀座IWA》中午，可能店家要諗諗呢個問題。
講返「握壽司」，師傅握功好，飯鬆化唔怕實，好過唔少高級店，而且飯香明顯，唔太酸，溫度近乎人體，又煙韌有質感而唔怕硬，好得！
要讚係冇整色整水，唔會加太多額外o野，亦唔會玩火炙，算係幾傳統。
不過呢8款(9件)壽司來講，魚生係有水準，係高級鮨店水平，不過整體驚喜度真係唔夠(尤其以HK$1,980來講)，唔知係咪咁o岩o個日返o既貨唔夠勁。
左上角係「甘鯛」，即係「馬頭魚」，柔韌，有明顯o既甜味，好唔錯！
上邊第二件係「Aji」，池魚，呢件都好得，軟中帶滑，亦有D爽，鮮甜。
右上係「Saba」，鯖魚，烤過表面，甜度爭D，唔夠濃味。
右邊係「大拖羅」，薄切雙層，再掃醬汁，嚟自岩手縣大船渡，由《石宮》畀貨，係東京好猛嘅供應商，因東京本店同佢有交情先入到貨。
其實係幾得，幾嫩彈，有D柔韌感，不過感覺上冇青森大間咁好，而且掃醬汁，食唔到拖羅本身有冇油脂幽香，雖然係幾鮮甜。
左下係「海膽」，用鹽水貨，唔係一板板的，刮o左D岩鹽灑上邊，係幾清甜同鮮，係滑o既質感，唔係彈同綿o個種。
「車海老」只有一隻，冇得食兩隻，可揀生的，但會畀「牡丹蝦」，咁當然食「車海老」。都算嫩，亦鮮甜，但未夠爽，可能係size唔夠大o既問題，比起東京食o既有距離。
見到「蛋」即係作結，呢個係海綿蛋糕狀，即小野二郎o個款，有蛋味，亦夠香，不過就爭D濕潤感同鮮甜味。
赤味噌湯，唔死鹹，幾唔錯。因有D店都會死鹹o左D。但當然最好放埋魚雞位o既o野煮就好鮮甜，不過唔同店就唔同風格。芒果係宮城縣的，幾滑，唔澀，唔酸，不過唔係好甜，亦唔係好香。我呢次食係最左手邊位日本師傅負責握，手勢好。
Post
