大滿喜日本料理 (Closed)

同honey 係官塘apm睇完早場戲後,去附近一座亞太中心10/F大滿喜食午市放題，之前係旺角創興廣場分店食過，食物款式多，質素唔錯，價錢合理，今次嚟觀塘呢間試吓係咪同樣有水準。觀塘呢間大滿喜分店有兩幅大玻璃窗，使天然光透入餐廳令光缐更充足，感覺開揚，地方寛敞。同樣有凍櫃,擺放多種唔同品牌飲品、梅酒、清酒、雪糕、雪條、甜品，另有熱飲金桔蜜等。Encore兩次有兩款至愛，其中一款係蟹粥，綿滑鮮甜、稀稠適中。而另一款係燒羊架，唔覺有羶味，肉質嫩腍入味。食日本放題必食刺生，入口鮮甜無比。仲有其他款式食物同樣味道唔錯。可見大滿喜日式放題兩間餐廳都同樣咁有水準，不相伯仲。