辣蟹舫 (Closed)

是咁的。今日呢就同朋友過去深水埗睇下有冇啲咩好嘢食。行吓行吓見到一個陰暗處有塊燈牌。真係超級隱蔽我仲以為去咗鬼屋 誰不知上到去。就係樓梯嘅位置撞到個人。當堂嚇一跳然後得啖笑 其實上到去個環境都好舒服。但係我就唔明點解個門面咁噏耷。上到去一種世外桃源嘅感覺估唔到係食啲好好食嘅嘢。我啲朋友仲笑我係咪揀錯地方。 上到去就食咗招牌避風塘炒蟹。肉質鮮甜彈牙。特別係依個避風塘拆肉賴尿蝦。咁大個人都未試過食咁大隻。聽老細講係泰國返嚟飛機貨。但係繁忙嘅時間真係出菜時間比較慢。我都希望佢哋呢樣嘢可以改善下。 整體感覺上其實唔錯。冇達哥中伏嘅感覺。 最緊要係冇催我走。打埋鋪王者都得。