由於朋友住喺九龍西，所以我哋見面通常都會揀喺旺角食午餐，因為旺角對佢嚟講會比較方便😄
我哋好鍾意星期日去馬辣食午市火鍋放題，因為佢基本上可以由下晝12點坐到差唔多四點，雖然其實係唔會食到咁耐嘅，但係心理上就會覺得好舒服，因為唔會覺得需要趕住食😅所以我同朋友都好鍾意呢種安排☺️😄
我哋比較鍾意食佢嘅牛肉，同埋佢嘅滑雞😄😋 我又好鍾意食佢嘅沙白同埋鯇魚腩😋 另外我又好鍾意去自助區攞蟲草花加蔬菜🥬😋
朋友好鍾意食甜品，佢每次都會攞好多甜品食，有時仲食多過主食😅😂🤣 我同佢大家都好鍾意食格仔餅，馬辣餐廳通常每隔一個月就會有格仔餅食，如果有供應嘅時候，我同朋友就會狂食😆加埋煉奶簡直冇得彈😋😋😆朋友差唔多每隔三個字就會出去攞一轉格仔餅，我哋每一次都係食到攬住個肚走，但係我哋真係好鍾意食佢嘅格仔餅，因為水準真係一流😄😄😋☺️👍
佢嘅罐裝烏龍茶都好啱我口味，又解渴消脂，通常係我嘅首選，每次都會飲1-2罐😄😆👍
