Video
Read full review
2018-11-10
104 views
今日同好友食生日飯，問佢中意食菜，佢話求其又是旦，唯有上OPEN RICE網站揾好周圍有無好食啦。終於給我揾到一間在觀塘新開的現代歐陸菜式餐廳，Little Tipsy Restaurant 其理念是"以「健怡美食應靈活多變、貴精不貴多」的嶄新意念"，我就吸引過來呢。問完主角，主角同意咗，我訂好咗餐廳了。餐廳離官塘地鐵站好近，只要在官塘MTR的B3出口，直行到王子大廈9樓，一入餐廳，氣氛好浪漫好適合情人慶祝，好朋友聚舊，或者見客食飯的好地方，我被安入座，一個大張梳化位，好客的侍應已安排我入座，送上MENU, 過左一陣，朋友已到左，老實說我都眼花潦亂了，因為樣樣菜式都想食，好彩靚女侍應仲介紹它的招牌菜給我們揀。 COLD -茉莉花茶 $48甘難揀時，先來一杯凍飲，凍茉莉花茶仲加上檸檬添，味道清新(HOT) - Sencha Mango Mirabelle $38店長推介﹕它味道好特別，好少餐廳可以飲到呢款花茶，它有芒果香味，味道好香又醒神，唔想飲咖啡，另外一種選擇，至啱我呢啲LADY飲架。面包都是熱熱的上枱,而且仲有很多黑白芝麻添!先嚟
終於給我揾到一間在觀塘新開的現代歐陸菜式餐廳，Little Tipsy Restaurant 其理念是"以「健怡美食應靈活多變、貴精不貴多」的嶄新意念"，我就吸引過來呢。
問完主角，主角同意咗，我訂好咗餐廳了。
餐廳離官塘地鐵站好近，只要在官塘MTR的B3出口，直行到王子大廈9樓，一入餐廳，氣氛好浪漫好適合情人慶祝，好朋友聚舊，或者見客食飯的好地方，我被安入座，一個大張梳化位，好客的侍應已安排我入座，送上MENU, 過左一陣，朋友已到左，老實說我都眼花潦亂了，因為樣樣菜式都想食，好彩靚女侍應仲介紹它的招牌菜給我們揀。
COLD -茉莉花茶 $48
甘難揀時，先來一杯凍飲，凍茉莉花茶仲加上檸檬添，味道清新
(HOT) - Sencha Mango Mirabelle $38
店長推介﹕它味道好特別，好少餐廳可以飲到呢款花茶，它有芒果香味，味道好香又醒神，唔想飲咖啡，另外一種選擇，至啱我呢啲LADY飲架。
面包都是熱熱的上枱,而且仲有很多黑白芝麻添!
先嚟食前菜是凱撒沙律配海蝦$98
望到呢份沙律够新鮮，生菜加上沙律醬好清新感覺，仲有大大隻的海蝦添，配上好香脆脆片，好開胃前菜，够健康呀。
前菜﹕ 焗北海道帶子配蟹肉$108
由扇貝為碟，北海道的帶子加上蟹肉，離遠都已經聞到了，而且帶子算大隻而鮮味，仲可以食到一絲絲的蟹肉。
主菜﹕ 黑松露意粉伴靈芝菇及温泉蛋 $168
黑松露香味再配上温泉蛋，值得一提是它好有創意，給多人感覺日式加西餐的FUSION菜，最ENJOY的是，將温泉蛋的蛋漿篤一下，金黃色蛋汁同意粉熔合，再同黑松露一齊食，真是味道好複雜呀，而且意粉不會煮得太淋，有彈口，好滿足一餐。
主菜﹕ 法式油封鴨腿配蘭度豆及薯蓉 $168
這一道壓軸的主菜終於上場了，由以法式經典菜式煮法而成的油封鴨腿，記得只可以去法國餐廳食先可以食到，令人興奮的是在這裡可以品嚐到，制造這味菜式很花時間，鴨腿肉質柔軟而結實，味道啱啱好，不會太咸，配上沙律菜同薯蓉，沙律菜可以解油膩，薯蓉造得好味又滑，如果可以配上蘋果，加上紅酒或白酒，就更加PERFECT, 可惜朋友唔好酒。
法國油封鴨腿制法用岩鹽，蒜頭、百里香、迷迭香醃漬，再用大量鴨油，以80至90度浸6至10個鐘，之後再用焗爐以85至90度至烘脆鴨皮，聽說法式油封鴨腿是法國傳統菜式，通常在冬天進食。鴨是用法國的騾鴨。
Desserts, 是可以減少壓力的，因為反過來讀的話由Stressed --> Desserts 甜品可以降壓力，這是真的。
甜品時間﹕ Caramel Pear Cake $48
焦糖梨蛋糕，味道不會太甜，食到原來梨子的味道，面果層焦糖好香又好味，令人驚喜。令人難忘的甜品。
Tiramisu Layer Cake $48
Tiramisu cake,味道好濃香的朱古力味，如果加上雪糕好啦。
整體而言，地點好方便，價格好適合，啱平民化但有高質素食物，而且服務態度有酒店級水準。期待一次約多朋友一齊嚟食。
Little Tipsy 門面---
Little Tipsy 在官塘，其實只要花點心思，上網找下好食地方，再同好朋友享一下，官塘其實真是有很多美食呀。
今次只有食晚餐，期待它的午餐，因為午餐有自助沙律吧，由營養師建議的MENU，好啱我這一種符合注重身型健康的我。
Post
