一鼎‧台式火鍋 (MOSTown新港城中心(4期))

Open Now

Now Closed

我成日係馬鞍山出沒，之前聽講新港城中心開咗間任食放題嘅台式火鍋店。週末喺屋企又唔知食咩午餐，就約埋朋友去試吓。餐廳空間好闊落，環境都好乾淨，啲食材睇落好新鮮。我同朋友各點咗一煲，90分鐘任食，兩個人都係＄500到。朋友鍾意食辣，就揀咗【紅燒火牛】湯底，而我自己就揀咗【QQ骨膠原】。【紅燒火牛】食落鹹香帶啲辣，好惹味。將啲食材放入去煮，湯味好快就滲透入啲食材入面，鮮香無比。【QQ骨膠原】有陣好鮮甜濃烈嘅豬骨湯味，而且入面加咗蔥嚟提鮮，撈埋一齊好好飲。佢哋嘅一鼎殼飼牛肉片仲好貼心咁放咗提示12秒-15秒即食，煮出嚟嘅牛肉唔會太韌，好滑嫩。個人認為呢度嘅價錢公道，物超所值，食材新鮮，最緊要係好食又食得飽。帶屋企人朋友嚟絕對係一個好好嘅聚餐地點。