我哋叫咗佢哋最signature嘅拉麵套餐，$138一碗聽落唔平，但食完之後真心覺得——值！👍
個湯底一飲就知唔簡單！用咗魚湯做基底，鮮甜到不得了，完全唔會死鹹，飲完成個口都唔會渴。最正係加咗白松露油，一上枱已經聞到陣陣幽香，高級感即刻出晒嚟！🍄
配料勁有心思： ▪️北海道帶子煎到剛剛好，外面微脆裡面嫩滑 ▪️日本雞胸肉居然一啲都唔「鞋」，仲好滑溜 ▪️日本蕃薯仔甜甜地，好得意 ▪️法國紫洋蔥絲帶嚟微微辛香 ▪養生杞子加咗啲中式感覺，幾特別
麵質我就更加要讚！揀咗佢哋推薦嘅幼麵，掛湯能力一流，每啖都食到魚湯嘅鮮味同松露香，真係令人食到停唔到口！女朋友仲誇張到飲到見底😂
環境方面，雖然店舖唔算好大，但坐得舒服，放假同另一半嚟慢慢歎絕對冇問題👫。服務都好好，店員會細心介紹食法。
總結：雖然$138食碗拉麵唔算平，但無論係湯底、配料同整體體驗都對得住個價錢，絕對係假日獎勵自己同另一半嘅好選擇！女朋友仲話下次要試埋佢個貝汁鹽味拉麵添～已經約定下次再嚟！❤️
#金色不如歸 #米芝蓮一星 #過江龍 #拉麵控 #假日美食 #情侶好去處 #食好西
1
