馬辣台式鴛鴦火鍋 (大鴻輝(荃灣)中心) (Closed)

有去過台灣都對哩間火鍋店唔陌生，既然香港都有得食，當然黎試下味道如何，食唔食得返台灣既味道。食物櫃種類都唔少，淨係丸都有3層選擇，拿拿聲揀d新鮮既食物返位先。再去拎調味料，種類都係一樣好多選擇。返位時，鴛鴦湯底都上枱啦，揀左麻辣/胡椒豬肚，即刻將食物放落去淥，實在太肚餓。我個人口味有幾樣值得推介，牛根有黐牙漿口即感覺，證明重骨膠原，羊肉雖然冇肥膏位，但羊羶味都一樣散發到，芝士丸差唔多打邊爐必食。甜品有雪糕，雪條，雪米糍、甜筒。雪糕有隻牌子係Fruttato，恕我孤陋寡聞未聽過，不過有榴槤味，幾濃幾滑唔錯。仲有Dreyers，有五種口味，芒果和石板街我最鐘意。