燈籠滷味 (登龍街) (Closed)

去台灣食過一試愛上，見香港都開左，本身勁興奮，成日都思思念念。今次經過銅鑼灣，特登去搵佢出黎。一去到，都成十幾人排隊，就索性外賣。一拎張外賣紙圈，同台灣啲滷味選擇無得比唔緊要，最緊要係好味，圈完想食既野，唸住揀埋個辣，咦，無得揀，問店員，店員話無得揀，辣椒油另上，作風都同台灣唔同，都理解既，始終香港🇭🇰可能體諒人唔食得辣。店員都算幾好，有禮貌。一返到屋企，打開辣椒油，同港式粉麵店辣椒油無分別。小。米血糕得個鹹、玉米蜀唔入味、烏龍麵份量算係咁，但同台灣都唔同。無個種惹味。只有好多味精既感覺，食左一半即刻賴野，勁口渴，渴左成晚。而家原來重味精就開到鋪。講埋個滷肉飯，唔係台灣野，好一般地偏唔好食，自己煮都好食過佢。未食過燈籠想試重味精，可以去試，食過台灣燈籠，免試，會失望。其實做得燈籠招牌，好心專業啲。