無論環境．食物．服務，都稱得上是大圍之最。
先嚟每人一客餐包，暖笠笠好鬆軟，沾上醋同油，令麵包嘅味道更好
✨忌廉汁煮美國波士頓藍青口
食第一隻，已經好有驚喜，口感好嫩滑，同平日食到有點靭嘅青口好大分別
加入忌廉汁煮調，又香又滑好Creamy
✨炭燒西班牙黑毛豬有骨豬鞍扒
要讚煎呢塊豬鞍嘅師傅，能夠將咁厚肉都控制得咁恰好，肉質好軟綿，完全唔會乾，好有咬口。
有點蕃茄令味道更昇華
✨焗香草蒜蓉包
蒜蓉包大大片好香口，仲好脆
沾上忌廉汁嚟食更好味
今餐雖然唔係食咗好多款式，但質數相當滿意，下次再嚟一定要試生蠔
