Simplylife Bakery Cafe

難得唔洗OT太耐，差不多7點放工，當然要約阿爸阿媽去晚飯，見YOHO MALL 新開張有simplylife，就拉埋父母去，食下西餐，但當晚的水準真心唔得，可能是因為新開張，QC冇做足。
餐前奉送的餐包已經呈涷僵狀態，相比另一連鎖西餐廳Outback 每次都有微温香軟餐包，simplylife 過早切晒餐包，亦未有妥善放置，令餐包冇晒香味，同涷冰冰。
當晚點左牛排，黑松露意粉，同埋牛肉漢堡。
三款當中，只有意粉維持到其他分店的水平。
牛排好薄同略為唔夠熱，調味不足。
牛肉漢堡上枱時，真係’’出乎意料’’，漢堡旁邊疏落地有幾條薯條，真係。。得幾條。。。。薯條的味道同其他分店一樣好食，但得幾條，除了賣相唔好之外，亦唔夠食。